السلام عليكم ورحمة الله وبركاته: المنشور ده مهم جدًا لكل مالك سيارة، خصوصًا اللي عمل عمرة للموتور ولاحظ بعد كده إن العربية بدأت تطلع دخان أبيض!؛ هل ده طبيعي؟ ولا فيه مشكلة كبيرة؟.
خلينا نفهم سوا 👇
🔹 أولًا: لو العربية لسه خارجة من العمرة والدخان الأبيض ظهر فور التشغيل...
ده غالبًا طبيعي جدًا ✅ لأن الفني أثناء العمرة بيحط زيت على جدران الشميز (#السلندر) وعلى ظهر البساتم لتسهيل التشغيل الأول بعد التجميع، و #الزيت ده لما يتحرق بيطلع #دخان أبيض بسيط يختفي بعد فترة التشغيل الأولى.
يعني باختصار: لو الدخان اختفى بعد فترة قصيرة، ما تقلقش خالص 😌.
🔹 ثانيًا: لو الدخان الأبيض مستمر حتى بعد فترة التشغيل
فهنا لازم تبدأ تفحص بعض النقاط المهمة 👇
1️⃣ بلف التبخير (#PCVValve)
لو فيه عطل أو انسداد، هيسحب كميات زيت كبيرة من الكارتير ويوصلها للمانيفولد، وده يسبب دخان أبيض غزير.
الحل بسيط: افحص #بلف_التبخير، لو محتاج تنظيف نظّفه، ولو تالف استبدله فورًا.
2️⃣ لزوجة الزيت المستخدمة بعد العمرة 🛢️
فيه ناس بتفكر إنها لما تعمل عمرة لمحرك قديم لازم تقلل اللزوجة (تحط زيت 0W30 بدل 20W50)، وده خطأ كبير! 🚫
العربيات القديمة لازم تفضل على نفس لزوجة الزيت اللي كانت ماشيه بيها قبل العمرة، لأن الخلوصات الداخلية للمحرك مش هترجع 100% زي المصنع.
يعني لو عربيتك كانت ماشية بزيت 20W50، خليك عليه حتى بعد العمرة.
أما العربيات الحديثة (زي اللانسر أو الإلنترا الحديثة) فبتلتزم بالمواصفات الموصى بها من الشركة، زي 5W30 أو 0W20.
3️⃣ جودة وطريقة تنفيذ العمرة نفسها 🔧:-
لو الفني ما أقفلش الموتور صح، أو استخدم طقم شمبر رديء، أو ما ظبطش الخلوصات بالعزم الصحيح، فده يؤدي لتسريب زيت من #الشنابر أو من كاوتش الصبابات إلى غرف الاحتراق، والنتيجة 🔥
👉 دخان أبيض مستمر بعد العمرة بسبب احتراق الزيت الزائد داخل السلندرات.
🔹 ملخص الكلام:
✅ الدخان الأبيض بعد العمرة مباشرة طبيعي ومؤقت.
⚠️ لو استمر، افحص بلف التبخير، نوع الزيت، وجودة العمرة.
🚫 تجنّب تجربة زيوت غير مناسبة أو فنيات عشوائية.
💡 نصيحة مهمة:
لو لاحظت أن الدخان الأبيض مستمر حتى بعد أيام من #العمرة، راجع الميكانيكي فورًا لفحص #الشنابر – كاوتش الصباب – بلف التبخير قبل ما تتفاقم المشكلة.
