سعر الدولار اليوم في السوق السوداء.. قصة دولار ال65 وصراع السوق السوداء والبنك المركزي..لعبة الدولار.. صدام البنك المركزي والسوق السوداء.. إيه اللي بيحصل؟! 🤔.
.jpeg)
في البداية خلينا نفهم مع بعض.. يعني نفهم، أكتر من نحاكم👌
هو إيه اللي حصل في سوق الدولار البارح، والنهاردة بالتحديد؟!
القصة كلها أن البارح، حصل تداول لإسكرينات عن أن سعر الجنيه أمام الدولار، تجاوز على عداد جوجل الـ64 جنيه، وده حسب الإسكرينات المتداوله.. واللي بالمناسبة بتخضع للريت والتقييم وقصص تقنية، بين قوسين تكنولوجيا مش تعاملات وفلوس.. بعدها السعر رحع لطبيعته، لكن من هنا بدأت قصة تانية..
🔴 صفحات السوشيال، الخاصة بالسوق السوداء، بدأت تسعر وتطلب دولار على 60 جنيه للدولار الواحد، وفيه 55 جنيه للدولار الواحد.. وكان أكتر محافظات بتدعي سعر على سوشيال السوق السوداء، القاهرة الكبرى وخاصة مدينة أكتوبر، ومدينة 15 مايو، ومحافظة الجيزة، ومحافظة الإسكندرية.. طبعًا لحد هنا، كان كل ده مجرد كلام عادي ومحاولة بائسة من رجال السوق السوداء، لعودتها أو إختبار عودتها.. لأن مش عايزين ننسى، أن السوق السوداء مجال عمل لناس كتير، ودول مش هيسلموا بالسهل، واللعب الأساسي معاهم، يخلص اقتصاد، مش أمن، الأمن عامل مساعد، ومهم..
🔴 على الناحية التانية بدأ فيه كلام كتير عن التعويم.. وهل هو مدار ولا حر؟1 وبدأت الجرايد تقع في فخ الحديث عن التعويم.. لدرجة أنه البارح كان تريند في كلمات البحث على السوشيال ومازال اليوم.. طيب إيه؟!
🔴 كل ده كان من غير تأثير لحد ماحصل إن النهاردة الصبح، سعر الدولار ارتفع.. ووصل لـ 48.50 جنيه، وعشان يرجع تاني لـ48.15 و48.25 جنيه للدولار..
🔴 فيه كمان تحرك من المصريين المقيمين بالخارج، وحسب كلام من بعضهم.. ففيه حديث عن عودة السوق السوداء.. خاصة وأننا داخلين على موسم تحويلات مصريين بالخارج، هيبدأ من شهر 7 لـ شهر 10 الجاي.. فهل السوق السوداء هتقتنص الفرصة وتلاعب المركزي..
هو ده اللي حصل من البارح للنهاردة.. وإجمالًا للي عايز يعرف الأسباب بدون تطويل أوي..
بس في الأول لازم تعرف أن حتى الأن لم يحدث أي صدام من يوم التعويم، بين البنك المركزي والسوق السوداء✋
طيب.. اللي حصل هو الآتي:
🔴 كان فيه فعلًا محاولة بسيطة لهز سوق الصرف وعودة السوق السوداء، أو إختبار عودته وتقبل الشارع للفكرة نفسها، خاصة وأن الموازنة الجديدة خلاص وافق عليها البرلمان وشبه هتدخل حيز التنفيذ..
طيب إيه العلاقة؟!🤔
الموازنة الجديدة وهي بتتحط وبيتوافق عليها، الحكومة بتكون مسيطرة أووي ومشددة الرقابة على الأسواق، فنسبة الإنفلات بتكون بسيطة، وعشان البرلمان ما يرفضش الموازنة، وكمان أرقامها لازم تكون مستقرة، تحاكي إلى حد ما الواقع.. فدي القصة.
حسب معلومات، فرجالة السوق السوداء بيحاولوا يرجعوها، ودي كانت محاولة لهز السوق، وحسب المعلومات فهما مخططين من يوم التعويم يرجعوا خلال الشهور 6 أو 7 أو 8، ويستغلوا تحويلات المصريين، ورغبة الأهالي هنا في تحقيق أكبر قدر من الربحية.. والزيادات السنوية للأسعار اللي بتحصل في شهر 7 .. السوشيال ميديا بتاعتهم بدأت تشتغل بقوة، فدي نقطة عند الحكومة تاخد بالها منها، وكمان الأمن.. وميغرش الحكومة الإحتياطي الضخم للبنك المركزي، لأنه مش مفروض يصرف منه حاجة، حسب الإتفاق مع الصندوق، اللي عايز الإحتياطي يزيد مش يقل..
🔴 فيه نقطة مهمة، حسب الموازنة، فأقساط القروض وفوايدها السنة دي أكتر، من السنة اللي فاتت.. أنت بتتكلم في قروض وأقساط قروض، إجمالي دين1.6 ترليون جنيه.. السنة اللي هتخلص كمان أسبوع دي كان 1.3 ترليون جنيه.. هتقترش وتصدر أوراق مالية بـ 2.8 ترليون جنيه، السنة اللي فاتت اللي هتخلص كمان أسبوع، اقترضت 2.1 ترليون جنيه.. يعني زيادة 7.8 مليار جنيه.. يعني لو السنة اللي فاتت كان عند ضغوط فالسنة دي، عندك ضغوط بزيادة.. فده يضغط على الجنيه، لصالح الدولار.. حسب فكر بتوع السوق السوداء، اللي عايزين ياخدوها نقطة لزيادة حاجة الدولة للدولار، فتدخل تتاجر معاهم فالسعر يرجع تاني.. ده فكرهم
🔴 فيه نقطة تانية مهمة، عايزين يستغلوها لصالح الدولار، وهي أن الجنيه كتير والبنك المركزي لم في شهر واحد بس من البنوك 5 ترليون جنيه، عنده في الخزينة ومالهمش لازمة، ومش هيقدر يستفيد بيهم كلهم، ومطالب يرجعهم بفايدة 27.5%..وخد بالك خسايره هتبقى كبيرة بسبب الحركة دي، ده غير أن الحكومة اقترضت الأيام اللي فاتت أرقام كبيرة، يعني يوم واحد بس طرحت أذون خزانة بـ45 مليار جنيه.. خد بالك عايز أفاجئك وأقولك إن الحكومة عندها مشكلة في توفير الجنيه زي الدولار.. بتقترض كتير لأن مواردها مش مكفية وعجز الموازنة عامل ضغط..العجز في الموازنة الجديدة 1.2 ترليون جنيه.. وهتجيبه منين؟! من القروض طبعًا والإستدانة خارجي وداخلي..
🔴 النهاردة، سعر الدولار طلع، وده طبيعي بعد فترة الأجازات دي كلها، اللي مبتخدهاش دولة اقتصادها تحت التطوير زينا.. يحصل تراكم في طلبات الدولار لدى البنوك، فالعرض قليل بالمقارنة بالطلب الزايد، وعشان كده بتوع السوق السوداء قاريين دي، فعملك زوبعة البارح، وعشان يثبت كلامه تحرك الدولار النهاردة، فيدي صدمة للسوق.. وخد بقى من هنا أهم حاجة:
🔴 أهم حاجة أن المركزي مضطر يقلل سعر الجنيه، أو يحافظ عليه عند مستويات معينة، لأن الأموال الساخنة حسب المُعلن حوالي 20 مليار دولار.. بس الرقم ده مش دقيق الدقيق، أنها بين الـ 26 وال36 مليار دولار.. الأموال الساخنة ليها مراحل، مرحلتها الأولى بتدعم الاقتصاد والعملة المحلية، والمرحلة التانية، بتبهدل الدنيا، سيف في ضهر الاقتصاد والعملة المحلية وأكبر ضاغط عليهم.. واليومين دول الحكومة المصرية شغالة على قانون، أو قرار بقوة قانون، يرحب بالأموال دي، بس تدخل بشرط وتخرج بشرط وهو طول المدة، يعني تريح عندنا سنة مثلًا.. فالحد ما يحصل ده، أنت مجبر تساسيها وتسايس الدولار وعشان متهربش.. بس هنا في مفاجأة، وهي أن وزير المالية لمح للقانون ده في البرلمان، ففترة العيد بالتحديد ومابعده فيه تنازلات كتير في سوق الأذون والسندات الثانوي، في السوق الدولي عن السندات والأذون المصرية، فده ضغط تالت.. لكن الموضوع لم يرقى لأزمة.. وهنا نطالب الحكومة بسرعة حبس الأموال دي بقانون بكره الصبح، بس قبل القانون محتاج حضرتك تكون جاذب لأكبر قدر من الأموال الساخنة وعشان تعوض اللي ممكن تمشي.. ومعرفش هنعمل دي إزاي لأن أعتقد أن ده لايطبق بأثر رجعي.. فأطرح اذون أو سندات أجلها طويل شوية..
لحد هنا كلام الاقتصاد، شبه خلص..
عايز أقولك إن فيه تلاعب في الأسواق والدولة.. فيه ناس مستفيدة من التحركات دي كلها، برغم انه خسران لو السوق السوداء تحركت، لأن ده هينعكس تضخم رهيب.. لكن هو شاري دولاره على 55 أو 60 أو أكتر وعايز يرجع الخسارة ويحرك السوق لصالحه، كمان السوق ده، بقى مجال عمل لملايين الناس، وكل يوم بيتقبض على ناس، ما زالت شغالة فيه، فموضوع إستسلامه مش بالسهل..
🔴ناس محدودة، من المصريين بالخارج، وكلهم ليهم الإحترام والتقدير، وكان الله في عونهم وأنهم متغربين.. بس الناس دي مصرين يدفعوا اللي جوه، تمن أنهم مالقوش فرصة جوه، أنا أقصد الناس اللي شغالة تجار عُملة بره..
🔴عمومًا البنك المركزي.. قاعد لكل ده.. وعنده كتير، نتمنى يحافظ على السوق مستقر على قد ما يقدر.. ومفيش أجمل من أنك تلاعب السوق اقتصاد.. وده لا يُغني عن الجانب الأمني في الحلفية إن اقتضت الضرورة، وهي مقتضية.. المسؤولية مش سهلة..
🔴 إحذر.. بلاش السوق السوداء، ضررها أكتر من نفعها..